प्रेमगीत—३ का लागि कृष्टिना गुरुङ नायिकामा चयन  भएकी छन् ।

घोषणा पूर्व नै सर्वाधिक चर्चामा रहेको प्रेमगीत—३ का लागि नयाँ नायिका चयन भएको छ ।२७ सय १४ को अडिसनबाट उत्कृष्ट ठहरिएकी कृष्टिना गुरुङ चलचित्रकी नायिकामा चयन भएको आइतबार घोषणा गरिएको हो ।अन्तिम २५ मा पर्न सफल भएकाहरुको कठिन अडिसन गरिएको थियो जसबाट नायिका (गीत) पात्रलाई न्याय दिनसक्ने निर्णायकको मत अनुसार गुरुङ छनौट भएकी हुन् ।

आसुसेन फिल्मको व्यानरमा निर्माण हुने प्रेमगीत ३ मा नेपालका पहिलो पुस्ताकादेखि नवकलाकारसम्मको मिश्रण रहने छ ।नायक शिव श्रेष्ठ, सुनील थापासंगै प्रदीप पौडे, नवनायक मनिष राउतका साथमा अन्य थुप्रै कलाकारहरुको अभिनय रहनेछ ।