काठमाडौंको कान्तिपथमा शनिबार आज बिहान सवारी दुर्घटना भएको छ । दुर्घटनामा तीन जना घाइते भएका छन् । आज बिहान ठमेलबाट जमल आउदै गरेको बा. ११ च ३६०४ नम्बरको कार आज बिहान ६ बजे दुर्घटनामा परेको हो । महानगरीय ट्राफिक प्रहरी प्रभाग दरबारमार्गका इन्स्पेक्टर दयाकृष्ण भट्टले कार दुर्घटना भए पनि मानवीय क्षति भने नभएको जानकारी दिनुभयो ।

३ जना सवार कार उछिटिएर रोकिराखेको पर्यटकको माइक्रोलाई ठोक्कीन पुगेको थियो । घाइतेहरुको अबस्था सामन्य रहेको जनाइएको छ । कारका चालक बिजेन दुवाल श्रेष्ठले मापसे गरि कार चलाएको प्रारम्भिक अनुसन्धानमा देखिएको छ ।