नुवाकोट, ककनी गाउँपालिका-२ खानीखोलाबाट कन्चनपुर कृष्णपुर नगरपालिका-२ बस्ने १७ वर्षीया कबिता चन्द ठकुरीलाई लागूऔषध गाँजा जस्तो देखिने पदार्थ अन्दाजी ३ केजी सहित आइतबार दिउँसो प्रहरीले पक्राउ गरेको छ । प्रहरी चौकी ककनीबाट खटिएको प्रहरीले जाँच गर्ने क्रममा उनलाई उक्त लागूऔषध सहित फेला पारी पक्राउ गरेको हो ।

सिराहा, धनगढीमाई नगरपालिका-१० श्यामपुरबाट सोही नगरपालिका-११ शान्तिपुर बस्ने ३६ वर्षीय राम भगत महत्तो र सोही नगरपालिका-१२ कालापानी बस्ने ४० वर्षीय रामेश्वर महत्तोलाई अवैध लागूऔषध चरेश करिब ८ केजी ५ सय ग्राम सहित आइतबार राति प्रहरीले पक्राउ गरेको छ । जिल्ला प्रहरी कार्यालय सिराहाबाट खटिएको प्रहरीले जाँच गर्ने क्रममा उनीहरुलाई उक्त परिमाणको लागूऔषध सहित फेला पारी पक्राउ गरेको हो ।
यस सम्बन्धमा स्थानीय प्रहरीले आवश्यक अनुसन्धान गरिरहेको छ ।