काठमाण्डौ – एक सातायता बढेको तापक्रम सोमबार आजदेखि भने केही मात्रामा घट्ने मौसमे जनाइएको छ । आज देशको धेरैजसो पहाडी भुभागमा साँझतीर हावाहुरीसहित पानी पर्ने सम्भावना रहेको मौसमविद्ले बताएका छन् ।

बंगालको खाडीमा बनेको जलवाष्पयुक्त हावाको प्रभावका कारण आज बिहानैदेखि पूर्वी भेगमा बदली भइरहेको र यो क्रम रातिसम्म नै रहने महाशाखाका मौसमविद् मिनकुमार अर्यालले बताउनु भयो ।

पहाडी र हिमाली भेगको मौसम दिनभर आशिंकदेखि सामान्य बद्ली भई बेलुकीपख पानी पर्ने सम्भावना रहेको छ ।
बंगालको खाडीमा बनेको जलवाष्पयुक्त हावाको प्रभाव सुदूरपश्चिम क्षेत्रमा नपरे पनि पश्चिमी वायुको प्रभावका कारण पानी पर्ने सम्भावना भने रहेको उहाँले बताउनुभयो । तराइमा भने आज पनि हिजोअस्ती जस्तै गर्मी हुने सम्भावना रहेको मौसमविद् अर्यालले बताउनुभयो ।