काठमाडौं : अन्तर्राष्ट्रिय प्रेस स्वतन्त्रता दिवसको अवसरमा  सञ्चारकर्मीलाई स्वास्थ्य सामग्री वितरण गरेको छ । नेपाल पत्रकार महासंघ काभ्रे शाखाले जिल्लामा क्रियाशिल पत्रकारहरुलाई स्वास्थ्य सामग्री वितरण गरेको छ । बनेपा हेल्थ केयर र काभ्रे रेडियो टेलिभिजन प्रशारक मञ्चको सहयोगमा महासंघको भवनमा मास्क, स्यानिटाइजर, फेस सिल्ड, ग्लोब्सलगायत सामाग्री वितरण गरेको हो ।

हेल्थ केयर र प्रशारक मञ्चले उपलब्ध गराएको उक्त सामग्रीहरु जिल्लामा प्रकाशित पत्रपत्रिका, रेडियो स्टेशन, अनलाइन एवं जिल्लामा क्रियाशिल सञ्चारकर्मीहरुलाई संस्थागत एवं व्यक्तिगत रुपमा उपलब्ध गराइएको थियो । फिल्डमा खटिने सञ्चारकर्मीहरुको स्वास्थ्य तथा सुरक्षालाई ध्यानमा राख्दै स्वास्थ्य सामग्री वितरण गरिएको काभ्रे महासंघका सह-सचिव सरोज अधिकारीले बताए ।