काठमाडौँ: प्रधानमन्त्री केपी शर्मा ओलीले नेकपा एमाले महाधिवेशन आयोजक समितिको आकश्मिक बैठक बोलाएका छन् ।

आइतबार बिहान साढे १० बजे बालुवाटारमा एमाले अध्यक्ष समेत रहेका ओलीले  महाधिवेशन आयोजक समितिको बैठक बोलाएको एक केन्द्रीय सदस्यले जानकारी दिएका छन् ।

नेता माधव कुमार नेपाल पक्षका संघ र प्रदेशका ३२ सांसदलाई ओलीले स्पष्टिकरण सोधेका थिए । त्यसको जवाफ सांसदहरुले गएको बिहीबार बुझाएका थिए । सोही परिवेशमा नेपाल पक्षका नेताहरुको जवाफलाई लिएर बैठक बोलाइएको सदस्यले बताएका छन् ।

ु‘आजको बैठकमा नेपाल पक्षका सांसदहरुको जवाफ र सम्भवतः कारबाहीबारे छलफल केन्द्रित हुनेछ’, केन्द्रीय सदस्यले भने ।

सदस्यहरुलाई बैठकको जानकारीसहितको निम्तो  सन्देश  शनिबार रातकाे ११ बजेतिर पठाइएकाे हो ।