११ भदौ २०८३ काठमाडौं – रसुवामा आएको विनाशकारी बाढीमा परेर घाइते भएका काठमाडौं ल्याइएका ४२ जनामध्ये ९ जना डिस्चार्ज भएका छन्। बाँकी ३३ जनाको काठमाडौंका विभिन्न अस्पतालमा उपचार भइरहेको नेपाल प्रहरीले जनाएको छ।

प्रहरीका अनुसार त्रिवि शिक्षण अस्पतालमा उपचारका लागि ल्याइएका २३ जनामध्ये ४ जना डिस्चार्ज भएका छन् भने १९ जना उपचाररत छन्।

त्यस्तै, वीर अस्पताल र नर्भीक अस्पतालमा ३/३ जना तथा छाउनीस्थित अस्पतालमा एक जनाको उपचार भइरहेको प्रहरीले जनाएको छ।

बाढीमा घाइते भएकामध्ये उपचार आवश्यक पर्नेहरूलाई उद्धार गरी काठमाडौं ल्याइएको थियो। उनीहरूको अवस्था र उपचारबारे सम्बन्धित अस्पताल तथा सुरक्षाकर्मीले आवश्यक समन्वय गरिरहेका छन्।