रसुवा बाढीमा १६२ जनाको शव फेला

प्रकाशित मिति

२०८३ भाद्र ११ गते, बिहीबार ०८:५६

११ भदौ २०८३ काठमाडौं – रसुवामा आएको विनाशकारी बाढीपछि विभिन्न जिल्लामा गरी १६२ जनाको शव फेला परेको छ। बिहीबार बिहान ५ बजेसम्मको प्रहरी बुलेटिनअनुसार बाढी तथा पहिरोमा परेकामध्ये ८ जिल्लामा १६२ जनाको शव फेला परेको हो।

प्रहरीका अनुसार रसुवामा २, नुवाकोटमा १२, धादिङमा २७, चितवनमा ६४, गोरखामा २०, तनहुँमा ९, नवलपरासी पूर्वमा २६ र नवलपरासी पश्चिममा २ जनाको शव फेला परेको छ।

बाढी प्रभावित क्षेत्रमा सुरक्षाकर्मी तथा स्थानीयको सहभागितामा खोजी तथा उद्धार कार्य जारी रहेको प्रहरीले जनाएको छ।