२८ साउन २०८३ काठमाडौं – पत्रकार किशोर श्रेष्ठको विनाशर्त रिहाइको माग गर्दै नेपाल पत्रकार महासंघले काठमाडौं प्रहरी परिसर अगाडि धर्ना दिएको छ। महासंघ अध्यक्ष निर्मला शर्माको नेतृत्वमा भएको धर्नाका क्रममा प्रहरी र पत्रकारबीच केहीबेर घम्साघम्सीसमेत भएको थियो। पत्रकारहरूले ‘प्रहरी दमन मुर्दावाद’, ‘राज्य आतंक बन्द गर’ लगायतका नारा लगाउँदै प्रेस स्वतन्त्रतामाथि हस्तक्षेप बन्द गर्न माग गरे।

श्रेष्ठलाई प्रहरीले वैयक्तिक गोपनीयतासम्बन्धी कसुरको आरोपमा पक्राउ गरेको हो। उनको पक्राउपछि प्रहरीले आज बिहान जनआस्था साप्ताहिकको कार्यालयमा समेत खानतलासी गरेको थियो। महासंघले श्रेष्ठलाई विनाशर्त रिहा नगरे कडा आन्दोलन गर्ने चेतावनी दिएको छ।