२१ साउन २०८३ काठमाडौं – नेपाली बजारमा आज सुनको मूल्यमा उच्च वृद्धि भएको छ। एकैदिन प्रतितोला ८ हजार रुपैयाँले बढ्दै सुनको मूल्य नयाँ उचाइमा पुगेको हो। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ९६ हजार रुपैयाँ कायम भएको छ। यससँगै १० ग्राम सुनको मूल्य पनि बढेर २ लाख ५३ हजार ७७० रुपैयाँ पुगेको छ।

यता, चाँदीको मूल्यमा पनि सामान्य वृद्धि भएको छ। आज चाँदी प्रतितोला ९५ रुपैयाँले बढेर ४ हजार ५७० रुपैयाँ पुगेको महासंघले जनाएको छ।

अन्तर्राष्ट्रिय बजारमा सुनको मूल्यमा आएको वृद्धि र विनिमय दरको प्रभावका कारण नेपाली बजारमा पनि सुनको मूल्यमा उल्लेख्य वृद्धि भएको व्यवसायीहरू बताउँछन्।