३ असार २०८३ काठमाडौं – बुधबार नेपाल स्टक एक्सचेञ्ज (नेप्से) परिसूचकमा सामान्य सुधार देखिएको छ। नेप्से परिसूचक ०.०८ अंकले बढेर २७०५.५३ को विन्दुमा पुगेको छ।

आज कुल ३५२ कम्पनीका ८३ लाख ७५ हजार ४७१ कित्ता शेयर ४४ हजार ५४२ पटक किनबेच भएका छन्। यस दिन कुल ३ अर्ब ६३ करोड ७५ लाख ८९ हजार रुपैयाँ बराबरको शेयर कारोबार भएको नेप्सेले जनाएको छ।

समग्र सूचक सामान्य रूपमा बढे पनि बजारमा मिश्रित अवस्था देखिएको छ। आज ८ वटा उपसूचक राताम्मे (घटेका) हुँदा ५ वटा उपसूचक मात्र बढेका छन्।

त्यसैगरी, १२६ कम्पनीको शेयरमूल्य बढेको छ भने १३१ कम्पनीको शेयरमूल्य घटेको छ। १४ कम्पनीको मूल्य स्थिर रहेको नेप्सेले जनाएको छ।