२६ जेठ २०८३ काठमाडौं – नेपाल स्टक एक्सचेञ्ज (नेप्से) परिसूचक मंगलबार १.५४ अंकले घटेर २,७३३.५९ विन्दुमा कायम भएको छ। आज ३५७ कम्पनीको १ करोड २३ लाख ७९ हजार कित्ता शेयर किनबेच हुँदा कुल ६ अर्ब ४४ करोड १७ लाख रुपैयाँ बराबरको कारोबार भएको नेप्सेले जनाएको छ।

कारोबार भएका उपसमूहमध्ये ९ वटा उपसूचक घटेका छन् भने ४ वटा उपसूचकमा सामान्य वृद्धि देखिएको छ। फाइनान्स समूह सर्वाधिक १.०१ प्रतिशतले घटेको छ।

मंगलबार १०५ कम्पनीको शेयर मूल्य बढ्दा १५१ कम्पनीको घटेको छ भने १५ कम्पनीको शेयर मूल्य स्थिर रहेको छ। कारोबार रकम उल्लेख्य रहे पनि अधिकांश कम्पनीको शेयर मूल्य घट्दा समग्र बजार सामान्य दबाबमा देखिएको छ।