२३ जेठ २०८३ काठमाडौं – टिकटकमा ‘नेपाली ब्रो’का नामले परिचित रेस्लर कुमार थापा आफ्नै श्रीमतीको हत्या गरेको आरोपमा पक्राउ परेका छन्। प्रहरीका अनुसार तारकेश्वर नगरपालिका–६, लोलाङ पैँयुटारमा शुक्रबार राति करिब १० बजे भएको घटनापछि थापालाई नियन्त्रणमा लिइएको हो।

घरायसी विवादका क्रममा उनले श्रीमती ईश्वरी भुजेलमाथि फलामको रड प्रहार गरेको आरोप छ।

गम्भीर घाइते भएकी भुजेललाई तत्काल उपचारका लागि महाराजगञ्जस्थित शिक्षण अस्पताल लगिएको थियो। तर उपचारकै क्रममा चिकित्सकले उनलाई मृत घोषणा गरेका थिए।

घटनापछि प्रहरीले थापालाई पक्राउ गरी अनुसन्धान अघि बढाएको जनाएको छ। हत्या हुनुको कारण र घटनाका अन्य पक्षबारे थप अनुसन्धान भइरहेको छ।