२२ जेठ २०८३ काठमाडौं – आर्थिक वर्ष २०८३/८४ को बजेटपछि शेयर बजारमा सुधारको अपेक्षा गरिए पनि बजार निरन्तर दबाबमा देखिएको छ। पुँजीगत लाभकरसम्बन्धी नीतिगत अन्योल र नयाँ कर व्यवस्थाको प्रभावबारे लगानीकर्तामा बढेको चिन्ताले बजारमा विश्वास कमजोर बनेको विश्लेषण गरिएको छ।

शुक्रबार नेपाल स्टक एक्सचेञ्ज परिसूचक ११.३७ अंकले घटेर २७५५.४१ बिन्दुमा झरेको छ। ३५१ कम्पनीको १ करोड २७ लाखभन्दा बढी कित्ता शेयर कारोबार हुँदा ५ अर्ब ६१ करोड रुपैयाँभन्दा बढीको कारोबार भएको छ।

यसदिन ७४ कम्पनीको शेयर मूल्य बढ्दा १८४ कम्पनीको मूल्य घटेको छ। फाइनान्स, होटल तथा पर्यटन, म्युचुअल फन्ड र निर्जीवन बीमा समूहमा भने सामान्य वृद्धि देखिएको छ।