११ जेठ २०८३ काठमाडौं – बागमती प्रदेशसभाको वर्षे अधिवेशन आजदेखि सुरु हुँदैछ । आगामी आर्थिक वर्ष २०८३/८४ को नीति तथा कार्यक्रम तथा बजेट केन्द्रित भएर अधिवेशन सञ्चालन हुने जनाइएको छ ।

आज दिउँसो १ बजे बस्ने प्रदेशसभा बैठकमा मुख्यमन्त्रीसहित प्रदेशसभामा प्रतिनिधित्व गर्ने विभिन्न दलका संसदीय दलका नेताहरूले आफ्नो धारणा राख्ने कार्यसूची रहेको प्रदेशसभा सचिवालयका सचिव रामकुमार पौडेलले जानकारी दिएका छन् ।

बागमती प्रदेश सरकारको सिफारिसमा प्रदेश प्रमुख दीपकप्रसाद देवकोटा ले नेपालको संविधानको धारा १८३ को उपधारा १ बमोजिम प्रदेशसभाको वर्षे अधिवेशन आह्वान गरेका हुन् ।

यस अधिवेशनमा प्रदेश सरकारको वार्षिक नीति तथा कार्यक्रम, बजेट, विकास योजना र आर्थिक प्राथमिकतामाथि व्यापक छलफल हुने अपेक्षा गरिएको छ ।