२९ बैशाख २०८३ काठमाडौं- राष्ट्रिय स्वतन्त्र पार्टीका संसदीय दलका उपनेता गणेश पराजुलीले पुराना दलहरूले विद्यालयलाई कार्यकर्ता उत्पादन गर्ने थलो बनाएको आरोप लगाएका छन् । मंगलबार बसेको प्रतिनिधिसभा बैठकमा बोल्दै उनले अबको पुस्ताले सक्षम नागरिक उत्पादन गर्न चाहेको बताएका हुन् ।

उनले सरकारले नीति तथा कार्यक्रममार्फत शैक्षिक क्षेत्रमा रहेको दलीयकरण अन्त्य गरी नागरिकलाई सेवा दिन सक्ने सक्षम प्रशासन निर्माण गर्न खोजेको दाबी गरे । “हिजो विद्यालयलाई दलका कार्यकर्ता उत्पादन गर्ने ठाउँ बनाइयो, अब यो पुस्ताले सक्षम नागरिक उत्पादन गर्न चाहन्छ,” भन्दै उनले अब कार्यकर्ता बनाउने सोच त्याग्न आग्रह गरे ।

पराजुलीले नयाँ पुस्ताले देखेको सपना आत्मसात् गर्न सबै राजनीतिक दललाई आग्रह समेत गरेका छन् ।