२८ बैशाख २०८३ काठमाडौं- प्रधानमन्त्री वालेन्द्र शाह को आह्वानमा मन्त्रिपरिषद् बैठक बसिरहेको छ । सरकारले आज पेश गर्ने आगामी आर्थिक वर्ष २०८३–०८४ को वार्षिक नीति तथा कार्यक्रम पारित गर्न प्रधानमन्त्री तथा मन्त्रिपरिषद्को कार्यालय सिंहदरबारमा बैठक जारी रहेको सरकारका प्रवक्ता सस्मित पोखरेलले जानकारी दिए ।

सरकारले आज नै आगामी आर्थिक वर्षको नीति तथा कार्यक्रम सार्वजनिक गर्ने तयारी गरेको छ । राष्ट्रपति रामचन्द्र पौडेल ले अपराह्न ४ बजे बस्ने संघीय संसद्का दुवै सदनको संयुक्त बैठकमा सरकारको नीति तथा कार्यक्रम प्रस्तुत गर्ने कार्यसूची रहेको छ ।

आगामी आर्थिक वर्षको नीति तथा कार्यक्रममार्फत सरकारले आर्थिक सुधार, पूर्वाधार विकास, रोजगारी, शिक्षा, स्वास्थ्य तथा सुशासनलगायतका प्राथमिकता सार्वजनिक गर्ने अपेक्षा गरिएको छ ।