१ ६ बैशाख २०८३ काठमाडौं- नेपाली कांग्रेसले रामेछाप जिल्ला सभापति पूर्णबहादुर तामाङ ‘कान्छाराम’ लाई निलम्बन गरेको छ। कांग्रेस अनुशासन समितिको बैठकले अनुशासन उल्लंघनको आरोपमा उनलाई स्पष्टीकरण सोधिएकोमा पार्टी नेतृत्वविरुद्ध भ्रमपूर्ण तथा तथ्यहीन अभिव्यक्ति दिएको निष्कर्ष निकाल्दै निलम्बन गर्ने निर्णय गरेको हो।

यसअघि सोही विषयमा स्पष्टीकरण सोधिए पनि तामाङले दिएको जवाफ चित्तबुझ्दो र सन्तोषजनक नभएकाले अनुशासनसम्बन्धी अन्तिम निर्णय नहुँदासम्म उनलाई निलम्बन गरिएको कांग्रेसले जनाएको छ।

त्यस्तै, पूर्व कार्यवाहक सभापति पूर्णबहादुर खड्काको हकमा भने सर्वोच्च अदालतको फैसलापछि स्पष्टीकरणको औचित्य नरहेको निष्कर्ष पार्टीले निकालेको छ।