३० चैत,२०८२ काठमाडौं – पूर्वप्रधानमन्त्री तथा नेकपा एमाले अध्यक्ष केपी शर्मा ओलीको पित्तथैलीमा देखिएको पत्थरीको शल्यक्रिया सफलतापूर्वक सम्पन्न भएको छ। महाराजगन्जस्थित त्रिभुवन विश्वविद्यालय शिक्षण अस्पतालमा शल्यक्रिया गरिएको अस्पतालका निर्देशक डा. सुवास आचार्यले जानकारी दिएका हुन्।

अस्पताल स्रोतका अनुसार डा. पलेस्वाँ जोशी लाखे नेतृत्वको टोलीले पित्तथैलीमा रहेको २२ एमएमको ढुंगा निकाल्ने प्रक्रिया सम्पन्न गरेको हो।

यसअघि जेनजी आन्दोलन जाँचबुझ प्रतिवेदनको सिफारिसअनुसार ओलीलाई चैत १३ गते भक्तपुर, गुण्डुस्थित निवासबाट प्रहरीले पक्राउ गरेको थियो। स्वास्थ्यमा समस्या देखिएपछि उनी सोही दिनदेखि त्रिवि शिक्षण अस्पतालमा भर्ना भएका थिए।