२२ चैत,२०८२ काठमाडौं –  पुँजी बजारमा आज भारी गिरावट देखिएको छ। नेपाल स्टक एक्सचेञ्ज (नेप्से) १०५.५० अंकले घटेर २६७६.६८ बिन्दुमा झरेको छ। आज ३४५ कम्पनीको ३ करोड १२ लाखभन्दा बढी कित्ता शेयर कारोबार हुँदा कुल १२ अर्ब ३८ करोड रुपैयाँभन्दा बढीको कारोबार भएको छ। कारोबार उच्च भए पनि बजार समग्र रूपमा ओरालो लागेको छ।

सबै १३ उपसूचक घटेका छन्। वाणिज्य बैंक ३.३२%, विकास बैंक ४.३२%, फाइनान्स ३.९४%, होटल तथा पर्यटन ३.०४% र हाइड्रोपावर समूह ४.८४% ले गिरावट व्यहोरेका छन्। राजनीतिक अस्थिरताबीच नयाँ सरकार गठन भए पनि बजारमा सकारात्मक संकेत देखिएको छैन। नयाँ अर्थमन्त्री स्वर्णिम वाग्ले प्रति लगानीकर्ताको अपेक्षा उच्च रहे पनि स्पष्ट नीति अभावका कारण निराशा बढेको विश्लेषकहरू बताउँछन्।

सरकारको १०० दिने कार्यसूचीमा पुँजी बजारसम्बन्धी स्पष्ट योजना नसमेटिँदा लगानीकर्ता ‘पर्ख र हेर’को अवस्थामा रहेका छन्।