२१ चैत,२०८२ काठमाडौं – अर्थ मन्त्रालय ले वृद्ध भत्ता पाउने उमेर बढाइएको भन्ने हल्लामा कुनै सत्यता नभएको स्पष्ट गरेको छ। सामाजिक सञ्जाल र विभिन्न मिडियामा वृद्ध भत्ता पाउने उमेर ७० वर्षबाट ७५ वर्ष पुर्‍याइएको भन्ने चर्चा चलिरहेपछि मन्त्रालयले त्यसलाई असत्य भएको जनाएको हो।

मन्त्रालयले विज्ञप्ति जारी गर्दै वृद्ध भत्ताको उमेरसम्बन्धी विषयमा कुनै निर्णय वा छलफलसमेत नभएको स्पष्ट पारेको छ। हाल ७० वर्ष उमेर पुगेका नागरिकले मासिक ४ हजार रुपैयाँका दरले वृद्ध भत्ता पाइरहेका छन्।

यस विषयमा भ्रम नफैलाउन पनि मन्त्रालयले सबैलाई आग्रह गरेको छ।