१३ चैत,२०८२ काठमाडौं – बालेन शाह नेतृत्वको सरकारमा प्रतिभा रावल मन्त्री बन्ने पक्का भएको छ। उनलाई संघीय मामिला तथा सामान्य प्रशासन मन्त्रीको जिम्मेवारी दिने तयारी भइरहेको स्रोतले जनाएको छ।

रावल हाल राष्ट्रिय स्वतन्त्र पार्टी (रास्वपा) की सहप्रवक्ता हुन्। उनी समानुपातिक निर्वाचन प्रणालीमार्फत प्रतिनिधि सभा सदस्यमा निर्वाचित भएकी थिइन्।

यसैबीच, प्रतिनिधि सभाको सिट विवरणअनुसार रास्वपा सबैभन्दा ठूलो दलको रूपमा देखिएको छ। प्रत्यक्षतर्फ १२५ सिट जितेको रास्वपाले समानुपातिकतर्फ ५७ सिटसहित कुल १८२ सिट हासिल गरेको छ।

अन्य दलहरूमा नेपाली कांग्रेस ले ३८, नेपाल कम्युनिस्ट पार्टी (एमाले) ले २५, नेपाल कम्युनिस्ट पार्टी ले १७, श्रम संस्कृति पार्टीले ७, राष्ट्रिय प्रजातन्त्र पार्टी ले ५ र स्वतन्त्र उम्मेदवारहरूले १ सिट जितेका छन्।