१२ चैत,२०८२ काठमाडौं – प्रतिनिधिसभाका नवनिर्वाचित सांसदहरूले आज दिउँसो २ बजे पद तथा गोपनीयताको शपथ लिने कार्यक्रम तय भएको छ। शपथ जेष्ठ सदस्य अर्जुननरसिंह केसीले गराउने छन्। शपथमा सहभागी हुन सांसदहरू सिंहदरबारस्थित संसद भवनको हलमा धमाधम प्रवेश गरिरहेका छन्।

संसद सचिवालयका अनुसार ६३ जना सांसदले नेपाली बाहेकको मातृभाषामा पनि शपथ लिनेछन्। सांसदहरू आ–आफ्नै भेषभूषामा उपस्थित भएका छन्।

संसद सचिवालयले निर्वाचन आयोगबाट प्राप्त प्रतिनिधिसभा सदस्य पदको प्रमाणपत्र, नागरिकताको प्रमाणपत्रको प्रतिलिपि र पासपोर्ट साइज तस्बिर समयभन्दा दुई घण्टा अघि उपस्थित हुन सांसदहरूलाई अनुरोध गरेको थियो।