६ चैत,२०८२ काठमाडौं- नेपाल जेनजी फ्रन्टले काठमाडौंको माइतीघरमा प्रदर्शनका क्रममा आफ्नी संयोजक रक्षा बम माथि भएको दुव्र्यवहारको विरोध जनाएको छ। शुक्रबार जारी विज्ञप्तिमा फ्रन्टले यो घटनाप्रति गम्भीर आपत्ति जनाएको छ।

फ्रन्टले भनेको छ कि “बिहीबार शान्तिपूर्ण प्रदर्शनको क्रममा संयोजक बममाथि भएको दुव्र्यवहार घोर भत्र्सना योग्य छ। संविधानले प्रत्येक नागरिकलाई बिना हातहतियार शान्तिपूर्वक भेला हुने र विचार तथा अभिव्यक्तिको स्वतन्त्रता सुनिश्चित गरेको छ। यस्तो आक्रमण एक सभ्य लोकतान्त्रिक समाजमा सह्य हुन सक्दैन।”

भदौ २३ र २४ को जेनजी आन्दोलनको छानबिन गर्न बनेको पूर्वन्यायाधीश गौरीबहादुर कार्की नेतृत्वको जाँचबुझ आयोगको प्रतिवेदन सार्वजनिक गर्न माग गर्दै जेनजी अगुवाहरू ६ दिनदेखि माइतीघरमा प्रदर्शनरत छन्।

फ्रन्टले भनेको छ कि आन्दोलनकारीमाथि भएको दुव्र्यवहारले आन्दोलनलाई कमजोर बनाउन सक्छ, र यस प्रकारको घटनाले शान्तिपूर्ण आन्दोलनको उद्देश्यमा बाधा पुर्‍याउनेछ।