रौतहट- रौतहट क्षेत्र नम्बर ३ मा राष्ट्रिय स्वतन्त्र पार्टी (रास्वपा) का उम्मेदवार रविन्द्र पटेल विजयी भएका छन्।अन्तिम मतपरिणामअनुसार पटेलले २७,३१८ मत प्राप्त गरेका छन्।

उनका निकटतम प्रतिस्पर्धी जनता समाजवादी पार्टी का गोविन्द चौधरी ले ११,९५४ मत प्राप्त गरेका छन्। पटेलले चौधरीलाई १५,३६४ मतान्तरले पराजित गरेका हुन्।

त्यसैगरी आम जनता पार्टी का प्रभु साह ले ९,८९० मत तथा नेकपा (एमाले) का कुन्दन प्रसाद कुशवाहा ले ६,६०५ मत प्राप्त गरेका छन्।

यससँगै रौतहटका चारै निर्वाचन क्षेत्रको मतपरिणाम सार्वजनिक भएको छ। जिल्लाका चारमध्ये तीन क्षेत्रमा रास्वपा र एक क्षेत्रमा नेपाली कांग्रेस का उम्मेदवार विजयी भएका छन्।