काठमाडौं- उज्यालो नेपाल पार्टीका अध्यक्ष कुलमान घिसिङले काठमाडौं क्षेत्र नम्बर ३ बाट विजयी भएका राष्ट्रिय स्वतन्त्र पार्टी (रास्वपा) का उम्मेदवार राजुनाथ पाण्डेलाई सामाजिक सञ्जालमार्फत बधाई दिएका छन्।

घिसिङले आफ्नो पक्षमा मत दिएका क्षेत्रका मतदाताप्रति कृतज्ञता प्रकट गर्दै उनीहरूले देखाएको माया र विश्वास सधैं प्रेरणाको स्रोत रहने बताएका छन्।

उनले निर्वाचनको परिणाम जस्तोसुकै भए पनि क्षेत्रको समग्र विकास, सुशासन र समृद्ध नेपाल निर्माणमा आगामी दिनमा अझ सक्रिय भएर काम गर्ने प्रतिबद्धता जनाएका छन्।

साथै, आफ्नो पार्टीका नेता–कार्यकर्ता, समर्थक, स्वयंसेवक र शुभेच्छुकले अभियानमा दिएको सहयोग र मेहनतप्रति धन्यवाद व्यक्त गरेका छन्। घिसिङले सबैको साथ, माया र विश्वासले आफूलाई देश र जनताको सेवामा अझ जिम्मेवार बनाएको बताएका छन्।