नेपाली कांग्रेसले फागुन २ भित्र प्रतिज्ञापत्र सार्वजनिक गर्ने

प्रकाशित मिति

२०८२ माघ २८ गते, बुधबार ०१:२९

२८ माघ,२०८२ काठमाडौं – नेपाली कांग्रेसले फागुन २ गतेभित्र आगामी प्रतिनिधिसभा निर्वाचनका लागि प्रतिज्ञापत्र सार्वजनिक गर्ने भएको छ। पार्टी प्रवक्ता देवराज चालिसेले बुधबार पत्रकारहरूसँग कुरा गर्दै प्रतिज्ञापत्रको तयारी फागुन १ गतेका लागि सकिएको र ढिलोमा फागुन २ गते सार्वजनिक गरिने बताए।

निर्वाचन आयोगले फागुन २१ गते हुने निर्वाचनका लागि फागुन ३ गतेभित्र घोषणापत्र सार्वजनिक गर्न निर्देशन दिएको थियो। यसपटक कांग्रेसले आफ्नो घोषणापत्रलाई प्रतिज्ञापत्रको रूपमा प्रस्तुत गर्ने योजना बनाएको छ।