२१ माघ,२०८२ काठमाडौं – प्रतिनिधि सभा निर्वाचनलाई मध्यनजर गर्दै भारत सरकारले नेपाललाई सहयोगस्वरूप प्रदान गर्ने थप २२३ वटा सवारी साधन नेपाल ल्याउन लागिएको छ। यी सवारी साधन भारत सरकारबाट प्राप्त हुने तेस्रो खेपअन्तर्गत हुन्।

भारतीय दूतावास स्रोतका अनुसार यस पटक १५० वटा महिन्द्रा स्कोरपियो र ७३ वटा महिन्द्रा बोलेरो डबल क्याब पिकअप गाडी नेपाल पठाइँदै छन्।

यसअघि पहिलो चरणमा ६१ वटा गाडी नेपाल सरकारलाई हस्तान्तरण गरिसकिएको छ। आगामी निर्वाचनका लागि भारतले कुल ५३८ वटा साना–ठूला सवारी साधन उपलब्ध गराउने जनाएको छ।

निर्वाचन प्रयोजनका लागि गृह मन्त्रालयको अनुरोधमा भारत सरकारबाट यी सवारी साधन उपलब्ध गराइएको हो। गाडीहरू गृह मन्त्रालयमार्फत आवश्यकता अनुसार सम्बन्धित निकायमा वितरण गरिनेछ भने निर्वाचनपछि नेपाल सरकारले आफ्नै प्रयोजनका लागि प्रयोग गर्न सक्नेछ।