२० माघ,२०८२ काठमाडौं – प्रधानमन्त्री सुशीला कार्कीले हिमाली जिल्लामा अत्यधिक हिमतपात र चिसोले चुनाव सञ्चालन असम्भव भएपछि दोस्रो चरणमा चुनाव गर्न सकिने बताएकी छन्। मंगलबार पूर्वी नवलपरासीको हात्तिखोरस्थित नेपाली सेनाको ब्यारेकमा राष्ट्रिय सेवादलको दीक्षान्त समारोहपछि सञ्चारकर्मीसँगको संक्षिप्त कुराकानीमा उनले यस्तो बताएकी हुन्।

उनले भने, ‘अत्यधिक चिसोले सक्दै नसक्ने अवस्था आइहाल्यो भने दोस्रो चरणमा हुन्छ।’ सरकारले हिमाली जिल्लामा पनि फागुन २१ मै चुनाव गर्न तयारी गरिरहेको बताउँदै आवश्यक परे गाडी चल्ने ठाउँमा मतदाता ओसारेर पनि निर्वाचन गर्नेबारे छलफल भइरहेको उनले जानकारी दिइन्।

उनले निर्वाचनबाट देशले स्थायित्व र शान्ति कायम गर्ने र निकास पाउने आशा व्यक्त गरे।