प्रभु बैंकको नयाँ सीईओमा सुमन शर्मा नियुक्त

प्रकाशित मिति

२०८२ माघ २० गते, मंगलवार ११:२६

२० माघ,२०८२ काठमाडौं – प्रभु बैंकको प्रमुख कार्यकारी अधिकृत (सीईओ) मा सुमन शर्मा नियुक्त भएका छन्। बैंकको माघ २० गते बसेको सञ्चालक समितिको बैठकले उनलाई आगामी चार वर्षका लागि सीईओ जिम्मेवारी दिने निर्णय गरेको छ।

शर्मालाई आजकै दिनदेखि लागू हुने गरी सीईओ नियुक्त गरिएको बैंकले जनाएको छ। यसअघि माघ १९ गते बसेको सञ्चालक समितिको बैठकले सीईओ अशोक शेरचनको राजीनामा स्वीकृत गरेको थियो।

नवनियुक्त सीईओ सुमन शर्माले यसअघि सनराइज बैंकमा सीईओ, ग्लोबल आइएमई बैंकमा डिसिईओ र माछापुच्छ्रे बैंकमा सीईओ भएर काम गरिसकेका छन्।