१८ माघ,२०८२ काठमाडौं – नेपाल प्रहरीको साइबर ब्यूरो कार्यालय रहेको भोटाहिटीस्थित भवन काठमाडौं महानगरपालिकालाई प्रयोग गर्न गृह मन्त्रालयले सहमति दिएको छ। यो जग्गा कूल ४ आना, २ पैसा १ दाम क्षेत्रफल रहेको छ।

यसको बदलामा काठमाडौं महानगरपालिकाले रामशाहपथस्थित उपत्यका ट्राफिक प्रहरी महाशाखा रहेको ७ रोपनी, २ पैसा, ३ दाम जग्गा सरकारको नाममा दर्ता गर्न सहमति दिएको छ। दुवै पक्षबीच भएको छलफलपछि गृह मन्त्रालयले उक्त निर्णय गरेको हो।

सहमति अनुसार, भोटाहिटीको जग्गा सरकारको नाममा दर्ता भएपछि कम्तीमा ८ आना जग्गा समरजंण कम्पनी कार्यालयका लागि र बाँकी जग्गा उपत्यका ट्राफिक प्रहरी कार्यालयले उपयोग गर्ने गरी प्रक्रिया अगाडि बढाइने छ।