काठमाडौं । सरकार र अनसनरत डा. निकोलस भुसाल तथा हरिश विष्टबीच ६ बुँदे सहमति भएको छ । सहमतिपछि अनसनको ११औँ दिन प्रधानमन्त्री निवास बालुवाटारमा प्रधानमन्त्री सुशीला कार्कीले दुवै जनालाई जुस खुवाएर अनसन तोडाएकी छन् ।

सहमति पत्रमा डा. भुसाल र विष्टका तर्फबाट उनीहरू स्वयं तथा सरकारका तर्फबाट प्रधानमन्त्रीका मुख्य सल्लाहकार अजयभद्र खनालले हस्ताक्षर गरेका छन् । सहमतिमा अनसनरत पक्षका मागहरूलाई चरणबद्ध रूपमा सम्बोधन गर्ने, सम्बन्धित नीतिगत र प्रशासनिक सुधार अघि बढाउने तथा कार्यान्वयनको अनुगमन गर्ने प्रावधान समेटिएको जनाइएको छ ।

यसैबीच, कांग्रेस महाधिवेशन वैशाख २८ मा गर्ने प्रस्ताव पारित भएको छ । तर महामन्त्रीलगायत नेताहरूको असहमति भने कायमै रहेको पार्टी स्रोतले जनाएको छ ।