११ पुस,२०८२ काठमाडौं— नेपाली कांग्रेसका महामन्त्री गगन थापा, अर्का महामन्त्री विश्वप्रकाश शर्मा र सहमहामन्त्री बद्री पाण्डे आगामी २१ फागुनमा तय प्रतिनिधिसभा निर्वाचनमा प्रतिस्पर्धा नगर्ने भएका छन्।

महामन्त्री शर्मा र सहमहामन्त्री पाण्डेले निर्वाचन नलड्ने निर्णय सार्वजनिक गरिसकेका छन् भने महामन्त्री थापाले पार्टीको नेतृत्व परिवर्तन भए मात्र चुनाव लड्ने स्पष्ट पारेका छन्। नेतृत्व नफेरिए निर्वाचनमा नजाने उनको अडान छ।

महामन्त्री शर्माले लगातार तीन पटक उम्मेदवार भइसकेकाले नयाँ पुस्तालाई अवसर दिन निर्वाचन नलड्ने बताएका छन्। सहमहामन्त्री पाण्डेले पनि बाजुराबाट चुनाव नलड्ने निर्णय गर्दै पार्टी सुदृढीकरणमा लाग्ने बताएका छन्।