४ पुस,२०८२ काठमाडौं— नेकपा एमालेले एक हप्ताभित्र संशोधित विधान सम्पादन गरी प्रकाशन गर्ने भएको छ। दोस्रो विधान महाधिवेशनबाट संशोधित तथा राष्ट्रिय महाधिवेशनले थप संशोधन गरेका व्यवस्थालाई समेटेर विधान सार्वजनिक गर्ने निर्णय प्रस्ताव गरिएको हो।

जारी केन्द्रीय कमिटी बैठकमा महासचिव शंकर पोखरेलले उक्त प्रस्ताव निर्णयार्थ पेश गरेका छन्। प्रस्तावअनुसार दोस्रो विधान महाधिवेशनबाट पारित संशोधनमा राष्ट्रिय महाधिवेशनले गरेका थप संशोधन समावेश गरी विधान अन्तिम रूप दिइनेछ।

त्यसैगरी, नवनिर्वाचित पदाधिकारी तथा केन्द्रीय सदस्यलाई जिम्मेवारी तोक्ने अधिकार केन्द्रीय सचिवालयलाई दिने प्रस्ताव पनि बैठकमा निर्णयका लागि प्रस्तुत गरिएको छ।