मंसिर २२, २०८२ काठमाडौं—  नेकपा एमालेका उपाध्यक्ष सुरेन्द्र पाण्डेले पार्टीमा व्यक्तिवाद बढ्दै गएको र जनताको बीचमा पार्टी साँघुरिने, खुम्चिने अवस्था देखा परेको बताएका छन्। सोमबार काठमाडौंमा आयोजित महाधिवेशन सम्बन्धी अन्तर संवादमा बोल्दै उनले नवपुस्ताले चुनाव नहुने र माथिबाटै लिस्ट पेश हुने पार्टीमा आकर्षण नदेख्ने उल्लेख गरे।

पाण्डेले एकै व्यक्ति दुई पटकभन्दा बढी अध्यक्ष नहुनु पर्ने व्यवस्था कानुनमा राखिनुपर्ने प्रस्ताव पनि राखेका छन्। उनले पुराना मात्रै नभइ नयाँ बनेका पार्टीहरूमा पनि नेतृत्वसम्बन्धी समान समस्या देखिएको भन्दै सुधारको आवश्यकता औंल्याए।