मंसिर १८, २०८२ काठमाडौं – भिजन लुम्बिनी नेपालले आईपीओ निर्गमनको प्रस्तावसहित पुस १९ गते दशौं वार्षिक साधारणसभा आह्वान गरेको छ। साधारणसभा बुटवलको कालिकानगरस्थित दियालो फुडल्याण्डमा बिहान ८ बजेबाट सुरु हुने कम्पनीले जनाएको छ।

साधारणसभामा कम्पनीको जारी पूँजीको २० प्रतिशत सेयर सर्वसाधारणका लागि प्राथमिक सार्वजनिक निष्कासन (आईपीओ) गर्ने प्रस्ताव प्रस्तुत गरिनेछ। सो प्रस्ताव पारित भएपछि आईपीओ जारी गर्न आवश्यक सम्पूर्ण कार्य सञ्चालन गर्न सञ्चालक समितिलाई अधिकार दिने एजेन्डा पनि छ।

यस्तै, गत आर्थिक वर्षका वित्तीय विवरण पारित गर्ने, चालु वर्षका लागि लेखापरीक्षक नियुक्त गरी पारिश्रमिक तोक्ने तथा १० प्रतिशत लाभांश वितरण गर्ने प्रस्तावहरू पनि सभामा पेश हुने कम्पनीले जनाएको छ।