मंसिर ११, २०८२ काठमाडौं – एकीकृत समाजवादी पुनर्गठन अभियानमा रहेका नेता घनश्याम भूसालले समाजवादी–माओवादी केन्द्रबीचको एकतालाई अराजनीतिक र असैद्धान्तिक भन्दै कडा आलोचना गरेका छन्।

काठमाडौंमा आयोजित कार्यक्रममा उनले एमालेबाट अलग भएको औचित्य स्पष्ट नभँदै माओवादीसँग एकता गर्नु “सत्ताका लागि सौदेबाजी र केही नेताको कुर्सी सुरक्षित गर्ने प्रयोजन” मात्र भएको आरोप लगाए।

भूसालले बहुदलीय जनवाद, महाकाली सन्धि वा एमसीसीजस्ता मुद्दामा बहस सुरु भए पार्टी फुट्ने अवस्था आउने दाबी गर्दै प्रचण्ड–माधवबीच वैचारिक छलफल नगर्ने सहमति नै एकता टिकाइराख्ने मुख्य आधार भएको कटाक्ष गरे।

उनका अनुसार वर्तमान कम्युनिस्ट नेतृत्वले जनआकांक्षा पूरा गर्न असफल हुँदाहीँ समाजवादी–माओवादी एकता “गिरोह पालेर सत्ताभोग गर्ने मोह” बाट प्रेरित छ।