मंसिर ७, २०८२  मोरङ – मोरङको विराटनगरमा एमाले नेता महेश बस्नेत सवार कारमा आज बिहान रातो मसी फ्याँक्ने दुई युवालाई प्रहरीले नियन्त्रणमा लिएको छ। घटना बस्नेत युवा संघको कोशी प्रदेशस्तरीय भेलामा सहभागी हुन सुनसरी जाँदै गर्दा एयरपोर्ट लाइन सडकमा भएको हो।

पक्राउ पर्नेमा विराटनगर-२ का १९ वर्षीय अर्पित कुँवर र विराटनगर-१ का २५ वर्षीय सन्जोग गौतम रहेका छन्। गौतम नेपाल विद्यार्थी संघ मोरङका जिल्ला सदस्य हुन्। पक्राउ परेका युवाहरू नेपाली कांग्रेस निकट नेविसंघसँग आवद्ध रहेको प्रहरीले जनाएको छ।

बस्नेतले यस घटनालाई लोकतन्त्रमाथिको उपहास भएको प्रतिक्रिया दिएका छन्। सुनसरीको इटहरी पुगेपछि जेनजीले दुहबीमा समेत प्रदर्शन गरेका छन्।