गृहमन्त्रीले अर्यालले बोलाए केन्द्रीय सुरक्षा समितिको बैठक

प्रकाशित मिति

२०८२ कार्तिक ३० गते, आईतवार ११:३१

कात्तिक ३०, २०८२ काठमाडौं— केन्द्रीय सुरक्षा समितिको बैठक आज दिउँसो ३ बजे गृह मन्त्रालयमा बस्न लागेको छ। बैठक शान्ति र सुरक्षा व्यवस्थाबारे छलफल गर्न गृह मन्त्री ओम प्रकाश अर्यालले बोलाएका हुन्।

बैठकमा गृह मन्त्रालयका सचिव, नेपाली सेनाका एकजना रथी, नेपाल प्रहरी र सशस्त्र प्रहरीका महानिरीक्षक, राष्ट्रिय अनुसन्धान विभागका प्रमुख, साथै मन्त्रालयको शान्ति सुरक्षा महाशाखा प्रमुख लगायतको सहभागिता रहनेछ।

बैठकमा देशको शान्ति सुरक्षा व्यवस्थासम्बन्धी विविध विषयमा छलफल हुने अनुमान गरिएको छ।