कात्तिक १८, २०८२ काठमाडौं— सोमबार एकल अंकले घटेको शेयर बजार आज (मंगलबार) दोहोरो अंकले घटेर २५९५.२४ बिन्दुमा पुगेको छ। बजार २७.६४ अंकले ओरालो लागेको हो। आज ३२२ कम्पनीका १ करोड ३ लाखभन्दा बढी कित्ता शेयर किनबेच हुँदा ५ अर्ब १५ करोड रुपैयाँको कारोबार भएको नेपाल स्टक एक्सचेञ्जले जनाएको छ।

बजार घटेसँगै लगानीकर्ताको मनोबल कमजोर बनेको छ। आज फाइनान्स समूह २.२१ प्रतिशतले घट्दै सबैभन्दा बढी गिरावटमा रह्यो। विकास बैंक १.४७ प्रतिशत र जीवन बीमा समूह १.४४ प्रतिशतले घटेका छन्।

३३ कम्पनीको शेयर मूल्य बढ्दा २१३ कम्पनी ओरालो लागेका छन् भने ३ कम्पनी स्थिर रहे। यसदिन कारोबारमा आएको मैलुङ्ग इनर्जीको शेयरमा सकारात्मक सर्किट लाग्दै मूल्य ३४९ रुपैयाँ पुगेको छ।