असोज ३१,२०८२ काठमाडौं– नेपाली कांग्रेसको बैठकमा आउँदो फागुन २१ गते तय भएको प्रतिनिधिसभा निर्वाचनको मिति पुनर्विचार गर्नुपर्ने विषय उठेको छ। बैठकमा गण्डकी प्रदेश सभापति शुक्रराज शर्माले सरकारले तोकेको मितिमा पहाडी जिल्लाहरूमा निर्वाचन गर्न असम्भव हुने दाबी गरेका छन्।

“फागुन २१ मा पहाडी जिल्लामा निर्वाचन हुन सक्दैन,” शर्माले बैठकमा स्पष्ट रूपमा भने, “चुनाव वैशाख मसान्तमा गर्नुपर्छ, त्यसले शान्ति सुरक्षाको वातावरण बनाउन सरकारले तयारी गर्न सक्ने समय पनि पाउनेछ।”

उनको तर्क अनुसार फागुन महिनामा उच्च हिमाली तथा पहाडी क्षेत्रहरूमा चिसो, हिउँ तथा भौगोलिक कठिनाइले निर्वाचन सञ्चालनमा अवरोध पुर्‍याउन सक्नेछ।