गृह मन्त्रालयले जेनजी आन्दोलनका क्रममा सुरक्षाकर्मीबाट लुटिएका हातहतियार र खरखजाना यही असोज मसान्तभित्र स्वेच्छाले बुझाउन वा जानकारी दिन आम नागरिकहरूलाई अनुरोध गरेको छ।

गृह मन्त्रालयले शुक्रबार एक सूचना जारी गर्दै यस्तो हतियार बुझाउने वा खबर दिने व्यक्तिलाई “उचित सम्मान” गरिने उल्लेख गरेको छ। सूचनामा भनिएको छ, “असोज मसान्तभित्र त्यस्ता हतियार तथा खरखजाना बुझाउन ल्याएमा वा त्यसको जानकारी दिएमा त्यस्ता व्यक्तिलाई उचित सम्मान गरिनेछ।”

मन्त्रालयले स्पष्ट पारेको छ कि सो मिति नाघेपछि कसैसँग यस्ता हतियार फेला परेमा कानुनबमोजिम कारबाही गरिनेछ।