असोज ९, २०८२ काठमाडौं– गत भदौ २४ गतेको जेनजी आन्दोलनका क्रममा देशभर नेकपा एमालेका ६४ कार्यालय र १५८ भन्दा बढी नेता–कार्यकर्ताका घर तथा व्यवसायमा क्षति पुगेको एमालेले जनाएको छ।

महासचिव शंकर पोखरेलले पार्टीले संकलन गरेको प्रारम्भिक विवरण सार्वजनिक गर्दै च्यासलस्थित पार्टी मुख्यालय, बालकोटस्थित अध्यक्ष केपी शर्मा ओलीको निवास, उपाध्यक्ष ईश्वर पोखरेललगायत नेताहरूको घरमा आगजनी र तोडफोड भएको बताए।

उनका अनुसार अधिकांश स्थानमा सरसफाइ र मर्मत कार्य सुरु भइसकेको छ भने कार्यकर्ताहरू स्वयमसेवी भावनासाथ जुटिरहेका छन्।