भदौ ३०,२०८२ काठमाडौं – नवनियुक्त ऊर्जा, जलस्रोत तथा सिँचाइमन्त्री कुलमान घिसिङले सोमबार राष्ट्रपति कार्यालय शीतल निवासमा पद तथा गोपनीयताको शपथ लिएका छन्।

राष्ट्रपति रामचन्द्र पौडेलले आयोजित समारोहमा उनलाई शपथ दिलाएका हुन्। घिसिङलाई भौतिक योजना तथा यातायात र सहरी विकास मन्त्रालयको जिम्मेवारी पनि दिइएको छ।

नेपाल विद्युत् प्राधिकरणका पूर्वकार्यकारी निर्देशक तथा उज्यालो नेपालका अभियन्ता घिसिङ शपथ ग्रहण समारोहमा उपराष्ट्रपति रामसहाय प्रसाद यादव, प्रधानमन्त्री सुशीला कार्की, प्रधानन्यायाधीश प्रकाशमान सिंह राउत, राष्ट्रियसभा अध्यक्ष नारायणप्रसाद दाहाल, पूर्वप्रधानमन्त्री डा. बाबुराम भट्टराई, र नेपाल सरकारका विशिष्ट अधिकारीहरुको सहभागिता रहेको थियो।