भदौ २८,२०८२ काठमाडौँ – नवनियुक्त अन्तरिम प्रधानमन्त्री सुशीला कार्कीले भोली आइतबार पदभार ग्रहण गर्ने तयारी रहेको छ। स्रोतका अनुसार, प्रधानमन्त्री कार्की गृह मन्त्रालयको नयाँ भवनमा आफ्नो कार्यालय सञ्चालन गर्दै पदभार ग्रहण गर्ने सम्भावना रहेको छ।

शुक्रबार राति पदभार ग्रहणपछि प्रधानमन्त्री कार्की आफ्नै निजी निवासमा गएकी छन्। बालुवाटारस्थित सरकारी निवासमा हाल जेनजी आन्दोलनकारीको क्षति पुगेको कारणले उनी सरकारी निवासमा बस्नु नपरेको बताइएको छ।

प्रधानमन्त्री कार्कीको सिफारिसमा राष्ट्रपति रामचन्द्र पौडेलले शुक्रबार राति नै प्रतिनिधि सभा विघटन गरेका छन्।