भदौ २६,२०८२ काठमाडौँ – जेन–जी आन्दोलनका कारण अस्तव्यस्त बनेको काठमाडौंको सडकमा दुई दिनपछि ट्राफिक प्रहरी र नेपाल प्रहरी देखिन थालेका छन्।

आन्दोलनका क्रममा प्रहरी र सशस्त्र प्रहरी (एपिएफ) का भवनमा आगजनी र तोडफोड भएपछि अवस्था नियन्त्रण गर्न नेपाली सेना सडकमा उतारिएको थियो। सेनाले दुई दिनसम्म सडक नियन्त्रणमा लिएपछि शुक्रबारदेखि फेरि ट्राफिक प्रहरी र नेपाल प्रहरी सडकमा सक्रिय भएका हुन्।

सडकमा सवारीसाधनको चाप बढ्दै गएको भन्दै ट्राफिक प्रहरी सेनासँग सहजीकरण गर्दै खटिएका छन्। यस्तै, सुरक्षात्मक व्यवस्थालाई मजबुत बनाउन नेपाल प्रहरीले राजधानीका विभिन्न चोक–चोकमा सुरक्षा तैनाथी बढाएको जनाएको छ।