भदौ २५,२०८२ काठमाडौँ –  जेन-जी नामक आन्दोलनकारी समूहले बुधबार पनि तोडफोड, आगजनी र लुटपाट जारी राखेका छन्। कलंकी र महाराजगञ्जस्थित भाटभटेनी सुपरमार्केटमा उनीहरूले आज बिहानदेखि दिउँसोसम्म लुटपाट गरेका छन्।

कलंकीमा लुटेराहरूले सामान बाहिर ल्याएर तोडफोड गरेका साथै केही सामान लुटेर लगेका छन्। त्यस्तै, भाटभटेनीभित्र रहेको हिमालयन र एनआईसी एशिया बैंकका एटिएम पनि तोडफोड भएका छन्।

नेपाली सेनाका अनुसार महाराजगञ्जमा पनि बिहान १० बजेदेखि दिउँसो १ बजेसम्म लुटपाट भएको थियो। सेनाले चारजना लुटपाटमा संलग्न व्यक्तिलाई नियन्त्रणमा लिएको छ।

जेन-जी समूहका युवाहरूले हिजो पनि कोटेश्वर, महाराजगञ्ज र बौद्धस्थित भाटभटेनी सुपरमार्केटमा आगजनी र लुटपाट गरेका थिए।