भदौ २२,२०८२ काठमाडौं – काठमाडौं महानगरपालिकाका मेयर बालेन शाहले नेपाली कांग्रेसका सभापति शेरबहादुर देउवालाई सामाजिक सञ्जालमार्फत व्यङ्ग गरेका छन् । शनिबार साँझ देउवाले सुनसरीको भोक्राहा नरसिंहा गाउँपालिकामा आयोजित नेपाल उराँव संघको स्थापना दिवस तथा करम पूजा कार्यक्रममा सहभागिता जनाउँदै सम्बोधन गरेको तस्वीरसहितको पोस्ट फेसबुकमा गरेका थिए ।

देउवाले कार्यक्रममा सहभागी भएकाका केही तस्वीर सार्वजनिक गर्दै, “आज सुनसरीको भोक्राहा नरसिंह गाउँपालिकामा नेपाल उराँव संघको स्थापना दिवस तथा करम पूजा कार्यक्रमलाई सम्बोधन गरेको छु,” भनेर लेखेका थिए ।

त्यही स्टाटसमा कमेन्ट गर्दै मेयर बालेनले व्यङ्गात्मक शैलीमा प्रश्न गरे, “यो पोस्ट कुन भीपीएनबाट हो, नेपाली हो कि विदेशी ?”

उनी यतिमै रोकिएनन्, “सारै गाह्रो हुने रहेछ भीपीएनबाट चलाउन त !” भन्दै थप व्यङ्ग गरे । बालेनको यस्तो कमेन्ट सार्वजनिक भएपछि देउवाको उक्त पोस्टमा इङ्गेजमेन्ट ह्वात्तै बढेको छ ।