भदौ १६,२०८२ काठमाडौं –  दुई दिन राताम्य बनेको शेयर बजारमा आज सुधार देखिएको छ । तर, बजारको यो सुधार कति समय टिकाउ हुन्छ भन्नेमा अझै शंका कायम छ ।

नेपाल स्टक एक्सचेञ्ज (नेप्से) आज १२.९१ अंकले बढेर २७६२.७४ बिन्दुमा कायम भएको छ । यस दिन ३२६ कम्पनीका १ करोड १४ लाख ४० हजार कित्ता शेयर किनबेच हुँदा ५ अर्ब १० करोड ५७ लाख रुपैयाँ बराबरको कारोबार भएको हो ।

बजारका सबै प्रमुख सूचकहरूमा सुधार देखिए पनि उल्लेखनीय वृद्धिको संकेत भने देखिएको छैन । वाणिज्य बैंक समूहको १.६२ प्रतिशत, विकास बैंक समूहको ०.७५ प्रतिशत, फाइनान्स समूहको ०.१९ प्रतिशत, होटल तथा पर्यटन समूहको ०.६३ प्रतिशत, इन्भेष्टमेन्ट समूहको ०.१७ प्रतिशतले शेयर मूल्य बढेको छ । सोमबार मात्रै १४२ कम्पनीको शेयर मूल्य बढेको छ भने १०६ कम्पनीको घटेको छ ।