भदौ १५,२०८२ काठमाडौं – नेपाल राष्ट्र बैंकले आगामी दशैंका लागि सुकिला नोट सटही (वितरण) यही भदौ २९ गतेदेखि असोज ३० गतेसम्म गर्ने निर्णय गरेको छ।

राष्ट्र बैंकका अनुसार साना दरका नोट वितरणका लागि थापाथलीस्थित मुद्रा व्यवस्थापन विभाग तथा विराटनगर, जनकपुर, वीरगन्ज, पोखरा, सिद्धार्थनगर, नेपालगन्ज र धनगढीस्थित प्रदेश कार्यालयमार्फत सटही सुविधा उपलब्ध हुनेछ।

यसका अतिरिक्त इजाजत प्राप्त ‘क’, ‘ख’ र ‘ग’ वर्गका बैंक तथा वित्तीय संस्थाका शाखा कार्यालयमार्फत पनि सर्वसाधारण र संघ/संस्थालाई सुकिला नोट सटही गर्न सकिने व्यवस्था गरिएको छ।

आम नागरिकले आफ्नो खाता रहेको बैंक वा पायक पर्ने नजिकको बैंक तथा वित्तीय संस्था वा नेपाल राष्ट्र बैंकमा गई नोट सटही गर्न सक्ने व्यवस्था मिलाइएको राष्ट्र बैंकले स्पष्ट पारेको छ।